काठमाडौं : त्रिकोणात्मक अन्तर्राष्ट्रिय टी-२० क्रिकेट श्रृंखलाको दोस्रो खेलमा पनि नेपाल पराजित भएको छ।
त्रिवि क्रिकेट मैदान कीर्तिपुरमा नेदरल्यान्ड्सले दिएको १८५ रनको लक्ष्य पछ्याएको नेपाल रनमै १ सय ८२ रनमै समेटियो।
दीपेन्द्रसिंह ऐरी र कप्तान रोहित पौडेलले अर्धशतकीय पारी खेले। ऐरीले ६३ रन बनाउँदा पौडेलले ५० रनको योगदान गरे। टस जितेको नेपालले बलिङ रोजेपछि पहिले ब्याटिङ गरेको नेदरल्यान्ड्सले निर्धारित २० ओभरको ४ विकेटको क्षतिमा १८४ रन जोड्यो ।
नेदरल्यान्ड्सका ओपनर माइकल लेभिटले अर्धशतक प्रहार गरे ।म्याक्स ओ डाउड ४, स्कट एडवार्ड्स ३३, साइब्रान्ड एंगलब्रेक्ट ४९ र तेजा निदमनुरुले अन्तिम बलमा रनआउट हुनुअघि ३१ रन जोडे । नेपालका करण केसीले १ र कुशल मल्लले १ विकेट लिन सफल भए भने नेदरल्याण्ड्सका दुई रन आउट भए।
हिजो भएको पहिलो खेलमा नेपाल नामिबियासँग २० रनले पराजित भएको थियो । आजको खेलमा नेपाली टोलीमा दुई खेलाडी परिवर्तन भएका छन् । अविनाश बोहरा र विवेककुमार यादवलाई बेन्च राखिएको छभने ललितनारायाण राजवंशी र प्रतिश जिसी प्लेइङ एघारमा समेटिएका छन् ।
