पोखरा । राष्ट्रिय स्वतन्त्र पार्टी (रास्वपा) पोखरा महानगर समितिको प्रथम महाधिवेशन शनिबार सम्पन्न भएको छ । अधिवेशनले नयाँ नेतृत्व चयन गर्दै संगठनलाई औपचारिक रूपमा संरचनागत रूपमा अघि बढाएको हो ।
महाधिवेशनबाट योगेन्द्र केसी सर्वसम्मत रूपमा पोखरा महानगर समितिको सभापतिमा चयन भएका छन् ।
संगठनको सुदृढीकरण र स्थानीय तहमा पार्टीको उपस्थिति बलियो बनाउने उद्देश्यका साथ आयोजित यस महाधिवेशनले नयाँ कार्यसमिति सर्वसम्मत रूपमा चयन गरेको हो ।
समितिको उपसभापतिमा संगीता तिमिल्सिना गौतम चयन भएकी छन् भने सचिवको जिम्मेवारी कमल बानियाँले पाएका छन् ।
प्रथम ऐतिहासिक महाधिवेशनले नयाँ नेतृत्व चयन गरेसँगै रास्वपाले पोखरा महानगरभित्र आफ्ना राजनीतिक तथा सांगठनिक गतिविधिहरूलाई थप तीव्र र व्यवस्थित रूपमा अगाडि बढाउने विश्वास लिइएको छ ।
कमेन्ट गर्नुहोस्
