काठमाडौँ । नेपालमा थप ९३६ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५८५ पुरुष र ३५१ जना महिला गरी ९३६ जनामा कोरोना पुष्टि भएको हो ।
योसँगै नेपालमा कोरोना भाइरस संक्रमितको कुल संख्या २ लाख ५० हजार १८० पुगेको छ ।
यस्तै, पछिल्लो २४ घण्टामा १९९६ जना संक्रमणमुक्त भएका छन् । यससँगै हालसम्म संक्रमणमुक्त हुनेको संख्या २ लाख ३८ हजार ५६९ पुगेको छ । यो कुल संक्रमितको ९५.३ प्रतिशत हो ।
हालसम्म कोरोना भाइरस संक्रमणबाट मृत्यु हुनेको संख्या १७३० पुगेको छ । गत २४ घण्टामा मात्रै १४ जना संक्रमितको मृत्यु भएको हो ।
हाल देशभर ९ हजार ८८१ सक्रिय संक्रमित रहेका छन् । क्वारेन्टीनमा रहनेको संख्या ४५७ रहेको छ ।
गत २४ घण्टामा देशभरको प्रयोगशालामा ७११७ परिक्षण भएको र हालसम्म १८ लाख ४३ हजार ५८१ परिक्षण भएको मन्त्रालयले जनाएको छ ।
