काठमाडौं : प्रधानमन्त्री पुष्पकमल दाहाल ‘प्रचण्ड’ ले तेस्रो पटक विश्वासको मत पाएका छन् ।
प्रधानमन्त्री प्रचण्डले बुधबार प्रतिनिधि सभामा प्रस्तुत गरेको विश्वासको मतसम्बन्धी प्रस्तावको पक्षमा १५७ सांसदले समर्थन गरेका हुन् ।
बुधबार प्रतिनिधिसभामा भएको मतदानमा सहभागी २६८ सांसदमध्ये १५७ मत पक्षमा र ११० मत विक्षमा खसेको थियो । १ सांसद तटस्थ रहे । प्रधानमन्त्रीलाई विश्वासका लागि १३८ सांसदको मत आवश्यक थियो ।
गत फागुन २१ गते प्रधानमन्त्री प्रचण्डले नेपाली कांग्रेससँगको गठबन्धन तोडेका थिए ।
त्यसपछि नेकपा (एमाले), राष्ट्रिय स्वतन्त्र पार्टी, जनता समाजवादी पार्टी, एकीकृत समाजवादी सहितका दलको नयाँ समीकरण बनेको थियो ।
यसअघि गत वर्ष १० पुसमा तेस्रो पटक प्रधानमन्त्री बनेका प्रचण्डले २६ पुस ०७९ मा पहिलो पटक विश्वासको मत लिएका थिए । त्यसबेला उनले ९८ प्रतिशतभन्दा बढी अर्थात् २६८ मत पाएका थिए । त्यसबेला दुई जनाले मात्र विपक्षमा मत हालेका थिए ।
त्यसपछि पछि फागुनमा नेपाली कांग्रेससँगको गठबन्धन ब्यूँतिएपछि एमालेले समर्थन फिर्ता लिँदा प्रधानमन्त्री प्रचण्डले दोस्रो पटक ६ चैतमा विश्वासको मत लिएका थिए। त्यसबेला १७२ पक्षमा र विपक्षमा ८९ मत खसेको थियो।
