पोखरा । आगामी मंसिरमा हुने उपनिर्वाचनका लागि कास्कीमा अहिले चुनावी सरगर्मी बढ्न थालेको छ । रिक्त रहेको कास्की क्षेत्र नम्बर २ मा प्रतिनिधिसभाका लागि चुनाव हँदैछ ।
गएको वर्ष फागुन १५ गते यही क्षेत्रबाट निर्वाचित भएका तत्कालीन संस्कृति, पर्यटन तथा नागरिक उड्डयनमन्त्री रवीन्द्र अधिकारीको हेलिकोप्टर दुर्घटनामा निधन भएपछि यो क्षेत्र रिक्त छ ।
यही बीचमा सत्तारुढ दल नेपाल कम्युनिष्ट पार्टी नेकपाले ‘जम्बो’ निर्वाचन परिचालन समिति बनाएको छ । पार्टीबाट उम्मेदवार बनेकी विद्या भट्टराईलाई जिताउनका लागि २६ सय ४१ सदस्यीय समिति बनाइएको हो ।
पार्टीको सोमबार बसेको ५ औं पूर्ण बैठकले कास्की जिल्ला ईञ्चार्ज राजकाजी गुरुङ संयोजक रहने गरी निर्वाचन मूल कमाण्ड कमिटि र पार्टीका जिल्ला अध्यक्ष कृष्ण थापा संयोजक रहने गरी निर्वाचन परिचालन समिति बनाएको छ ।
सो बैठकले निर्वाचन क्षेत्रअन्तर्गत पर्ने ११ वटै वडामा वडास्तरीय निर्वाचन कमाण्ड टिम बनाएको बैठकमा भएका निर्णय सार्वजनिक गर्न मंगलबार आयोजित पत्रकार सम्मेलनमा जिल्ला अध्यक्ष थापाले जानकारी दिए ।
यस्तै पार्टी प्रदेश सह–ईञ्चार्ज खगराज अधिकारीको संयोजकत्वमा निर्वाचन अनुगमन तथा निर्देशक समिति बनाइएको छ ।
यस्तै पार्टीले कात्तिक २१ गते उपनिर्वाचन परिचालन समितिको कार्यालय उद्घाटन गर्ने र जिल्ला निर्वाचन कार्यालयमा उम्मेदवारी दर्ता गर्ने, कार्तिक २३ गते पार्टी अध्यक्ष पुष्पकमल दहाल ‘प्रचण्ड’ र महासचिव विष्णु पौडेलको उपस्थितिमा निर्वाचनसँग सम्बन्धित जिल्लास्तरीय बृहत् कार्यकर्ता प्रशिक्षण गर्ने निर्णय गरेको छ ।
कात्तिक २४ गते निर्वाचन क्षेत्र २ अन्तर्गत पर्ने पोखरा महानगरपालिका भित्रका ११ वटै वडामा निर्वाचन परिचालन समितिको कार्यालय स्थापना गरिने भएको छ । पाटीको उम्मेदवार दर्ता गर्न १० हजार नेता÷कार्यकर्तासहितको जुलुस निर्वाचन कार्यालय पुग्ने अध्यक्ष थापाले बताए ।
पत्रकार सम्मेलनमा बोल्दै अध्यक्ष थापाले निर्वाचनमा प्रचारप्रसारका लागि निर्वाचन आयोगले २५ लाखको खर्च सिमा तोके पनि त्यो बराबरको खर्च नहुने दाबी गरे ।
‘निर्वाचन आयोगले २५ लाखसम्म खर्च गर्न पाउने भनेको छ,’उनले भने, ‘त्यो भन्दा थोरै खर्चमा हामी चुनाव लड्छौँ र पार्टी सदस्यले दिएको सहयोगबाट नै चुनाव लड्ने जानकारी गराउँछु ।’
उनले चुनाव सकिएको १० दिनमा नै सबै खर्च सार्वजनिक गर्ने जानकारी दिए । मंगलबारको पत्रकार सम्मेलनमा बोल्दै उनले पार्टीले गएको चुनावभन्दा ५ हजार बढी मत ल्याउने दोहो¥याए ।
उनले यसअघि १६ असोजमा आयोजित पत्रकार सम्मेलनमा बोल्दा पनि ५ हजार मत ल्याउने बताएका थिए । वर्तमान सरकारले जनप्रिय काम गरेको बताउँदै उनले यसपटक गएको चुनावभन्दा ५ हजार बढी मत ल्याउने बताएका हुन् ।
‘गएको चुनावमा ८ हजार ५ सय ४२ मतले जितेका थियौं, अबको चुनावमा त्यसमा ५ हजार मत थपिन्छ,’ मंगलबार आयोजित पत्रकार सम्मेलनमा उनले भने, ‘नेकपाले १३ हजार ५ सय ४२ मतले जित्छ ।’
समाजवादीबाट धर्मराज, विवेकशीलबाट जमुना
कास्की २ को उपनिर्वाचनका लागि समाजवादी पाटीबाट धर्मराज गुरुङ र विवेकशील नेपाली दलबाट जमुना शर्मा उठ्ने भएका छन् ।
सोमबार र मंगलबार पोखरामा बसेको विवेकशील नेपालीको बैठकले शर्मालाई उम्मेदवार बनाउने निर्णय गरेको हो । कास्की बैदाम घर भएकी शर्मा महिला अधिकारको क्षेत्रमा काम गर्दै आएकी छन्।
यस्तै समाजवादीबाट उम्मेदवार बनेका गुरुङले ब्रिटिस सेनामा २४ वर्ष र संयुक्त राष्ट्रसंघमा १५ वर्ष बिताएका छन् । कास्की २ मा अन्य पार्टीले पनि उम्मेदवार घोषणा गरेका छन् ।
यो क्षेत्रमा साझा पार्टीले रजनी क.सी, राप्रपाले रोम बहादुर भण्डारीलाई चुनावी मैदानमा उतारेको छ ।
यो पनि::
विवेकशीलबाट कास्कीमा जमुना, बाग्लुङमा सन्तोष उम्मेदवार
कास्की-२ मा राप्रपाबाट रोम बहादुर भण्डारी उम्मेदवार
कास्की-२ मा समाजवादी पार्टीबाट धर्मराज गुरुङ उम्मेदवार
कास्की उपनिर्वाचनमा विमला भण्डारीको चर्चा
कास्की-२ मा समाजवादीको ५०१ सदस्यीय चुनाव प्रचार समिति गठन
कास्की २ मा नेकपाका विद्यासँगै अन्य २ जनाको नाम सिफारिस
काङ्ग्रेस (बिपी) ले कास्की-२ मा उम्मेदवार उठाउने
कास्की-२ उपनिर्वाचन : साझाबाट रजनी केसी लड्ने
कास्की–२ उपनिर्वाचनः कांग्रेसबाट १६ जनाको नाम केन्द्रमा सिफारिस
‘कास्कीका जनताले बुझ्छन्, साझा पार्टीलाई मत दिनुको विकल्प छैन’: रजनी केसी
कास्की २ मा रविन्द्रपत्नी विद्या भट्टराईको नाम सिफारिस, साझाकी रजनी, काँग्रेसको को ?
