पोखरा । कास्की क्षेत्र नम्बर–२ मा आगामी मंसिर १४ गते प्रतिनिधि सभा सिटका लागि उपनिर्वाचन हुँदैछ । तत्कालीन पर्यटन मन्त्री समेत रहेका कास्की– २ का सांसद रवीन्द्र अधिकारीको हेलिकप्टर दुर्घटनामा परी निधन भएपछि उपनिर्वाचन हुन लागेको हो ।
कतिपय दलले चुनावी प्रचार थालिसकेको अवस्थामा प्रमुख प्रतिपक्षी दल नेपाली कांग्रेसले उम्मेदवार तय गर्न सकेको छैन । कांग्रेसबाट अहिले चर्चित युवा नेता धनराज गुरुङ उम्मेदवार बन्ने चर्चा चलिरहेका बेला कांग्रेस प्रवक्ता विश्वप्रकाश शर्माले त्यसको खण्डन गरेका छन् ।
सामाजिक सञ्जाल ट्विटरमार्फत बुधबार मध्यान्ह शर्माले धनराज गुरुङ आफैंले स्थानीय नेतालाई उम्मेदवार बनाउन सुझाव दिएको उल्लेख गरेका छन् ।
‘धनराज गुरुङको उम्मेदवारी बारे !’ भन्दै विश्वप्रकाशले ट्विटरमा लेखेका छन्–’उपनिर्वाचनमा कास्की क्षेत्र नं. २ मा केन्द्रीय सदस्य गुरुङलाई उम्मेदवार बनाउने भनी सार्वजनिकरूपमा भइरहेको चर्चा क्रममा पदाधिकारी बैठकमै उपस्थित भएर उहाँले स्थानीय साथीहरूलाई नै उम्मेदवार बनाउन उपयुक्त हुने राय प्रस्तुत गर्नुभएको छ ! जय नेपाल !’
यो क्षेत्रमा नेकपाले विद्या भट्टराई, साझा पार्टीले रजनी क.सी, राप्रपाले रोम बहादुर भण्डारी, समाजवादी पाटीले धर्मराज गुरुङ र विवेकशील नेपाली दलले जमुना शर्मालाई चुनावी मैदानमा उतारेको छ ।
धनराज गुरुङको उम्मेदवारी बारे !
उपनिर्वाचनमा कास्की क्षेत्र नं २ मा केन्द्रीय सदस्य गुरुङलाई उम्मेदवार बनाउने भनी सार्वजनिक रूपमा भइरहेको चर्चा क्रममा पदाधिकारी बैठकमै उपस्थित भएर उहाँले स्थानीय साथीहरूलाईनै उम्मेदवार बनाउन उपयुुक्त हुने राय प्रस्तुत गर्नुभएको छ !
जय नेपाल !
— Bishwa Prakash शर्मा (@bishwaprakash77) November 6, 2019
यो पनि::
विवेकशीलबाट कास्कीमा जमुना, बाग्लुङमा सन्तोष उम्मेदवार
कास्की-२ मा राप्रपाबाट रोम बहादुर भण्डारी उम्मेदवार
कास्की-२ मा समाजवादी पार्टीबाट धर्मराज गुरुङ उम्मेदवार
कास्की उपनिर्वाचनमा विमला भण्डारीको चर्चा
कास्की-२ मा समाजवादीको ५०१ सदस्यीय चुनाव प्रचार समिति गठन
कास्की २ मा नेकपाका विद्यासँगै अन्य २ जनाको नाम सिफारिस
काङ्ग्रेस (बिपी) ले कास्की-२ मा उम्मेदवार उठाउने
कास्की-२ उपनिर्वाचन : साझाबाट रजनी केसी लड्ने
कास्की–२ उपनिर्वाचनः कांग्रेसबाट १६ जनाको नाम केन्द्रमा सिफारिस
‘कास्कीका जनताले बुझ्छन्, साझा पार्टीलाई मत दिनुको विकल्प छैन’: रजनी केसी
कास्की २ मा रविन्द्रपत्नी विद्या भट्टराईको नाम सिफारिस, साझाकी रजनी, काँग्रेसको को ?
कास्की-२ उपनिर्वाचन : विद्यालाई सांसद बनाउन २६ सय ४१ सदस्यीय निर्वाचन परिचालन समिति
